Hækkan av leigugjaldi skal fráboðast leigaranum skrivliga 4 mánaðir frammanundan. Um ósemja er millum partarnar, kann leigunevndin sambært § 26, stk. 1, nr. 1 í leigulógini taka støðu til, um møgulig leiguhækking er rímulig og heilt ella lutvíst strika hesa hækking.
Leigari kann krevja at síggja avrit fyri el, hita og annað, um haldgóð orsøk er. Um útleigari krevur leiguhækking vegna øktar útreiðslur til eitt nú el og hita, er hetta ein haldgóð orsøk hjá leigara at seta fram krav um avrit og skjalprógvan av útreiðslunum.