Spurningar og svar


Hvussu stórt skal leigugjaldið vera?

Leiguupphæddin verður ásett eftir avtalu millum leigara og útleigara.

Er talan um órímuliga leiguavtalu, har leigan er sett alt ov høgt í mun til virðið á tí leigaða, kann avtalan umgerast sambært reglunum í avtalulógini.

Leigunevndin hevur ikki heimild at viðgera upprunaligu leiguupphæddina. Tílík mál mugu leggjast fyri dómsvaldið. Ynskir leigari at leggja mál um órímuliga leiguavtalu fyri dómsvaldið, má leigari gera sær greitt manglandi verjuna í leigulógini móti uppsøgn frá ikki vinnuligum útleigara. Ikki vinnuligur útleigari kann siga leigumálið upp við 3 mánaða freist, uttan orsøk.